Vladimir Putin sentyabrın 3-də Monqolustana gedəcək, burada anım tədbirlərinə qatılacaq və danışıqlar aparacaq.

Publika.az “RİA Novosti”yə istinadən xəbər verir ki, bu barədə Kremlin mətbuat xidməti məlumat yayıb.

Rusiya lideri Monqolustan prezidentinin dəvəti ilə ölkəyə səfər edəcək.

İki lider Rusiya-Monqolustan münasibətlərinin inkişaf perspektivlərini müzakirə edəcək, aktual beynəlxalq və regional problemlər ətrafında fikir mübadiləsi aparacaqlar.

BBC-nin rus xidmətinin qeyd etdiyi kimi, bu, Putinin Beynəlxalq Cinayət Məhkəməsinin Roma Əsasnaməsini imzalayan ölkəyə ilk səfəri olacaq.

2023-cü ilin martında Beynəlxalq Cinayət Məhkəməsi Vladimir Putinin həbsinə order verib və Roma Statutunu imzalayan ölkələr orderi rəsmi şəkildə icra etməlidir.