ABŞ dövlət katibi Entoni Blinken Rusiya ilə dialoqun şərtini açıqlayıb.

Publika.az xəbər verir ki, o, bu barədə LCI telekanalına müsahibəsində danışıb.

Onun sözlərinə görə, Rusiya tərəfinin siyasəti dəyişərsə, Vaşinqtonla Moskva arasında dialoq istisna edilmir.

“Problem ondadır ki, biz belə dəyişikliklərin əlamətlərini görmürük. Ümid edirəm ki, bir gün və o gün tezliklə gələcək, ölkələrimiz arasında münasibətlər indiki kimi olmayacaq”, - dövlət katibi qeyd edib.

Blinken əlavə edib ki, Rusiya Prezidenti Vladimir Putinin G20 sammitinə dəvət edilməsi iştirakçı ölkələr konsensusa gələrsə, mümkündür:

"Lakin indiki şəraitdə bunun nə qədər faydalı ola biləcəyini və bu konsensusun necə əldə oluna biləcəyini görmək çətindir".

Daha əvvəl bildirilmişdi ki, Braziliya hakimiyyəti və prezident Luiz İnasio Lula da Silva Rusiya lideri Vladimir Putinin “həbs edilməsi” ilə bağlı Haaqa Beynəlxalq Cinayət Məhkəməsinin mövcud orderinə baxmayaraq, G20 sammitinə səfərini təşkil etmək istəyir.

Hüseyn İbadlı