Bu ilin üçüncü rübündə ən çox faiz xərci çəkən bank "Azərbaycan Beynəlxalq Bankı" (ABB) olub. Bank rüb ərzində 283,4 milyon manatlıq faiz ödənişi həyata keçirib.

Publika.az xəbər verir ki, bu barədə Azərbaycan Banklar Assosiasiyasının 2025-ci ilin üçüncü rübünün renkinq hesabatında qeyd edilib.

Renkinqin ilk beşliyində "Kapital Bank" ASC ikinci yeri tutub. Bank rüb ərzində 277,1 milyon manat faiz ödəyib. Üçüncü sırada 141,5 milyon manatlıq göstərici ilə "PaşaBank" ASC qərarlaşıb. Bundan əlavə, "Bank Respublika" ASC 90,8 milyon manatlıq faiz xərci ilə dördüncü, "Unibank" ASC isə 73,6 milyon manatla beşinci sırada yer alıb.