Kofein bəzi hallarda miqren ağrılarını yüngülləşdirə bilər.

Mütəxəssislərin fikrincə, qəhvə və bəzi qazlı içkilərin tərkibində olan kofein müəyyən hallarda miqren tutmalarının şiddətinin azalmasına kömək edir.

Nevroloq Kseniya Şevtsovanın sözlərinə görə, müntəzəm olaraq kofein qəbul edən şəxslərdə onun qəfil dayandırılması baş ağrılarına və miqren tutmalarına səbəb ola bilər. Belə hallarda kofeinin yenidən qəbul edilməsi narahatlığı müəyyən qədər azalda bilər.

Həkim qeyd edib ki, bəzi hallarda miqren tutmaları aclıq fonunda yaranır. Bu səbəbdən şəkər tərkibli içkilər orqanizmin qlükoza ehtiyacını qismən ödəyərək vəziyyətin yüngülləşməsinə kömək edə bilər.

Mütəxəssis vurğulayıb ki, miqren zamanı ən vacib məqam ağrı başladıqdan sonra ilk 15-30 dəqiqə ərzində lazımi tədbirlərin görülməsidir. Bu, tutmanın daha ağır formada inkişaf etməsinin qarşısını almağa kömək edir

Müəllif: Malik Məlikov (Milli.Az redaktor)