Bu ilin yanvar-iyul ayları ərzində Azərbaycanın kommersiya banklarının xalis xarici aktivləri 6 milyard 926.4 milyon manat olub.

Publika.az xəbər verir ki, bu barədə Azərbaycan Mərkəzi Bankının açıqladığı 7 aylıq hesabatda əks olunub.

Hesabata görə, ötən ilin müvafiq dövründə isə bu rəqəm 4 milyard 533.8 milyon manat təşkil edib. Bu da onu göstərir ki, bir il ərzində xalis xarici aktivlərdə 2 milyard 392,6 milyon manat artım baş verib.

Qeyd edək ki, cari dövrdə kommersiya banklarının məcmu xarici aktivləri 9 milyard 026.1 milyon manat olub. Ötən ilin analoji dövründə isə bu rəqəm 5 milyard 622.8 milyon manat təşkil edib ki, bu da bir il ərzində 3 milyard 403,3 milyon manat artım deməkdir.

Xarici öhdəliklərdə isə 1 milyard 624.5 milyon manatlıq mənfi saldo yaranıb. Ötən il isə mənfi saldonun həcmi 1milyard 084.2 milyon manat olub. Aydın olur ki, bir il ərzində 540,3 milyon manatlıq artım müşahidə olunub.