“Biz məsələləri gecikdirmək diplomatiyasını məsələlərin həlli diplomatiyası ilə əvəz etməliyik, çünki mentalitetimizdə, düşüncəmizdə bununla bağlı müəyyən bir düstur var”.

Teleqraf xəbər verir ki, bunu Ermənistan Baş naziri Nikol Paşinyan deyib.

“Həmin düstura görə, əgər bir məsələnin həllini daha 1 ay, 3 ay, 4 il, 10 il təxirə salmağı bacarsaq, bu, uğurdur. Amma artıq anlamalıyıq ki, əgər problem varsa, o, həllini gözləyir və nə qədər ki biz o problemi həll etmirik, bundan böyük uğursuzluq ola bilməz”, - baş nazir qeyd edib.

N.Paşinyan ermənilərin bu praktikadan tamamilə əl çəkməli olduğuqlarını vurğulayıb.