Avropa Rusiya ilə dialoq qurmaq cəhdlərindən imtina etməli və Ukraynadakı münaqişədə neytral vasitəçi rolunu oynamamalıdır.

Publika.az xəbər verir ki, bu barədə Estoniyanın xarici işlər naziri Marqus Tsaxkna bildirib.

Nazirin sözlərinə görə, hazırda bəzi siyasi dairələrdə mövcud vəziyyətdə Rusiya ilə yenidən danışıqlara başlamaq və əlaqələri bərpa etmək ümidləri var. Lakin o, bu yanaşmanın tamamilə yanlış olduğunu vurğulayıb.

"Reallıq budur ki, Avropa strateji səbr nümayiş etdirməli, Rusiyaya qarşı sanksiya və təzyiqləri daha da gücləndirməli və Ukraynanın yanında qətiyyətlə dayanmalıdır. Avropa özünün Rusiya ilə Ukrayna arasında neytral vasitəçi roluna sürüklənməsinə imkan verməməlidir. Çünki bu vasitəçilik rolu Rusiyanın növbəti bir tələsidir", — deyə M.Tsaxkna qeyd edib.