İstanbul Böyükşəhər Bələdiyyəsinə qarşı aparılan istintaqda 4 gizli şahidin olduğu bildirilir.

Publika.az xəbər gedir ki, bu barədə "Hürriyet" qəzeti yazıb.

İstintaq dosyesində Meşe, Ladin, Çınar və İlke kod adlı gizli şahidlərdən başqa daha 13 şahid var. Eyni dosyedə 4 nəfərin şikayətçi olduğu da bildirilir.

Məlumata görə, İstanbul Respublika Baş Prokurorluğu Mütəşəkkil Cinayətkarlıqla Mübarizə Bürosu tərəfindən “mənfəət məqsədi ilə cinayət təşkilatı yaratmaq, təklifləri saxtalaşdırmaq, qəsb etmək” kimi cinayətlərə görə aparılan istintaqa Maliyyə Cinayətlərini İstintaq İdarəsinin (MASAK) hesabatı, vergi yoxlaması və müfəttiş hesabatları, həmçinin 4 gizli şahidin ifadələri daxildir.

İstintaq müddətində Maliyyə Cinayətləri ilə Mübarizə Şöbə Müdirliyi tərəfindən gizli şahid ifadələri alınıb. Kod adları: Meşe, Ladin, Çınar və İlke. Gizli şahidlərin nə dediyi və ifadələrinin təfərrüatları hələlik məlum deyil. Ancaq görünür, istintaqda bəzi ittihamlarla bağlı iddialar var. Bu iddialar həbsdə olan şübhəlilərin dindirilməsi zamanı onlara yönəldiləcək. Saxlanılan şəxslərin bəzilərinin texniki və fiziki müşahidə qeydləri də istintaq materiallarındadır.