Misirin Rusiyaya gizli hərbi dəstək verdiyini iddia edilir. İddialara görə, Sisi Rusiyaya kömək etməyi tapşırıb, lakin “Qərblə problemə düşməmək” üçün planlarını gizli saxlayıb.
Publika.az xəbər verir ki, “Washington Post” qəzeti sızdırılan məxfi sənədlərin üzə çıxardığı məlumatların ABŞ-ın yaxın müttəfiqi Misirlə münasibətləri poza biləcəyini yazıb:
“Əgər Misirlə bağlı sənədlər doğrudursa, bu, Amerikanın Yaxın Şərq və Şimali Afrikadakı ən yaxın müttəfiqlərindən biri ilə münasibətlərini poza bilər”.
Digər tərəfdən, Kremlin sözçüsü Dmitri Peskov Misirin Rusiyaya raket göndərməyi planlaşdırdığı barədə məlumatın yalan olduğunu bildirib.