Avropa İttifaqı (Aİ) ölkələrinin maliyyə nazirləri “ Budapeştin Rusiyaya sevgisi” səbəbindən sentyabrın 13-də Macarıstanda keçiriləcək görüşü boykot edə bilərlər.

Publika.az xəbər verir ki, “Politico” bu barədə Avropa İttifaqının iki rəsmisinə istinadən məlumat yayıb.

Mənbələrə görə, Avroqrupun rəhbəri və İrlandiyanın dövlət xərcləri naziri Paskal Donoho görüşün baş tutub-tutmayacağına yaxın vaxtlarda qərar verməlidir. Qeyd olunur ki, hazırda görüşün hələ də rəsmi olaraq baş tutacağı bildirilir.

Qəzetin mənbələri əlavə edib ki, Donoho, ehtimal ki, görüşü ləğv etmək qərarına gəlməzdən əvvəl Brüsseldəki danışıqlarda əhval-ruhiyyəni qiymətləndirəcək.

Bundan əvvəl Finlandiya Budapeştin Birləşmə Şurasına sədrliyi dövründə Macarıstanda keçirilən Aİ-nin qeyri-rəsmi iclaslarında iştirakdan imtina edib. Bundan əlavə, Finlandiya rəsmiləri qeyd ediblər ki, Ukraynaya dəstək ölkənin əsas prioritetidir.