Türkiyə və ABŞ hakimiyyət orqanları Rusiyaya qarşı sanksiyalara riayət etmək üçün yeni sistem haqqında razılığa gəliblər.

Publika.az xəbər verir ki, bu barədə “Hürriyet” qəzeti mənbələrə istinadən məlumat yayıb.

Mənbənin sözlərinə görə, Vaşinqton bundan əvvəl Rusiya ilə kommersiya fəaliyyətində şübhəli bilinən türk şirkətlərinə dərhal sanksiya tətbiq edib. İndi Amerika səlahiyyətliləri bu barədə ilk olaraq Ankaraya məlumat verəcək və lazımi məlumatları tələb edəcək.

Nəşr iddia edir ki, Türkiyə araşdırma aparıb nəticələri ABŞ-a bildirsə, “lazım gələrsə, tədbirlər görüləcək”.

Fevralın 23-də ABŞ Ukraynada hərbi əməliyyatların başlanmasının ikinci ildönümü ilə əlaqədar sanksiyalara məruz qalan şəxslərin və şirkətlərin siyahısını açıqlayıb. Çin və Türkiyə də daxil olmaqla 63 Rusiya şirkəti və 30 xarici şirkət məhdudiyyətlərə məruz qalıb. “Politico” nun yazdığına görə, ABŞ müttəfiqləri ikinci dərəcəli sanksiyaları həddi aşmaq adlandırıblar. Martın əvvəlində Türkiyənin Dörtyol terminalı sanksiyalara görə Rusiya neftini qəbul etməkdən imtina edib.

Akqabay