"Belqrad meriyası qarşısında baş verən iğtişaşlar zamanı iki polis əməkdaşı ağır yaralanıb".

Publika.az xəbər verir ki, bu barədə Serbiya Prezidenti Aleksandr Vuçiç "Pink" telekanalına müsahibəsində bildirib.

Dövlət başçısı həmçinin qeyd edib ki, daha bir neçə polis zabiti etirazçılar tərəfindən onlara atılan daşlardan yüngül xəsarətlər alıb.

Serbiya prezidenti 35-dən çox nümayişçinin saxlanıldığını, lakin etirazların hələ də davam etdiyini bildirib.

Vuçiç əlavə edib ki, bu qanunsuz fəaliyyətin iştirakçıları harada gizlənməyə çalışsalar da, saxlanılacaqlar.

Qeyd edək ki, bu iğtişaşlarla əlaqədar Vuçiç bazar ertəsi gecə Milli Təhlükəsizlik Şurasının təcili iclasını çağırıb.

Hüseyn İbadlı