Çin iqtisadiyyatı xilas etməyin yolunu tapıb.

Publika.az xəbər verir ki, Çin Səhm Tənzimləyicilərinin Aktiv İdarəetmə Assosiasiyası (AMAC) dünyanın bir sıra böyük investorları ilə birlikdə iyulun 21-də uzun sürən koronavirus qapanmalarından sonra ölkənin iqtisadi artım yollarını müzakirə edəcək. Bu barədə "Reuters" məlumat yayıb.

İşgüzar görüşün iştirakçılarından Çindəki bizneslərinin üzləşdiyi cari problemlərin həllinə kömək edəcək təkliflər təqdim etmələri, həmçinin Asiya ölkəsinin gələcək iqtisadi perspektivləri ilə bağlı fikirlərini bölüşmələri tələb olunacaq. Beləliklə, Çin hakimiyyəti davam edən geosiyasi gərginliyə baxmayaraq, xarici investorları yerli bazara investisiya qoymağa təşviq etməyə çalışır.

Ekspertlər hesab edir ki, Çinin iqtisadi dirçəliş tempinin zəif olması bir sıra amillərlə bağlıdır. Bunlar milli təhlükəsizlik, o cümlədən Tayvan, ABŞ-ın çiplərin istehsalında istifadə olunan qabaqcıl texnologiyaların və nadir metalların ixracına məhdudiyyətlər qoyması, habelə daxili bazarda dövlət tənzimləməsinin gücləndirilməsi kimi məsələlərdir. Pekin mövcud çətinliklərə baxmayaraq, işgüzar danışıqlar yolu ilə xarici investorların etimadını artırmağa çalışacaq.

Mehti Kamiloğlu