Yunanıstanın Larisa şəhəri yaxınlığında sərnişin qatarı ilə yük qatarının toqquşması nəticəsində ölənlərin sayı 32-ə çatıb.

Publika.az xəbər verir ki, bu barəsə "İefimerida" məlumat yayıb.

Bildirilib ki, hadisə zamanı 85 nəfər xəsarət alıb. Onlardan 53-ü xəstəxanaya yerləşdirilib, qalanları xəstəxanaları tərk ediblər.

Qeyd edilib ki, hazırda xilasetmə işlərində böyük çətinlik yaranıb.

xxx

07:47

Çərşənbə günü səhər tezdən Yunanıstanın şimalında sərnişin və yük qatarlarının toqquşması zamanı 16 nəfər həlak olub.

Publika.az “interfax.ru”ya istinadla xəbər verir ki, hadisə nəticəsində qatarın bir neçə vaqonu relsdən çıxıb, bəziləri alovlanıb.

Yanğınsöndürmə idarəsinin sözçüsü bildirib ki, qəza nəticəsində azı 16 nəfər həlak olub, 25-i ağır olmaqla, ən azı 85 nəfər yaralanıb.

Məlumata görə, qatarında 350 nəfər sərnişin olub. Qəza Afinanın 230 km şimal-qərbində, Evangelismos şəhəri yaxınlığında baş verib.