11 yaşlı Sabir Mustafayevin sizin yardımınıza ehtiyacı var.

Bu barədə Oxu.Az-a onun anası Leyla Mustafayeva məlumat verib.

O bildirib ki, oğlu Sabir dekabrın 26-da evdə sobanı yandırmaq istəyərkən yanıb.

“Sabirin 11 yaşı var. Evdə sobaya neft töküb yandırmaq istəyərkən özü yanıb. Bədənində üzü və bir qolu çıxmaqla, demək olar ki, hər yeri yanıb. Dekabrın 26-da Lənkəranda xəstəxanaların birinə yerləşdirsək də, vəziyyəti ağırlaşdığı üçün onu Bakıya gətirməyə məcbur olduq. Həkimlər Sabirin vəziyyətinin ağır olduğu üçün üç dəfə əməliyyat edilməli olduğunu deyirlər”.

Leyla Mustafayeva qeyd edib ki, üç övladına özü tək baxır.

“Yoldaşım bir il əvvəl həbs edilib. Həbs edilməzdən əvvəl evdə hər şeyi satıb. Övladımı müalicə etdirə bilmək üçün satmağa da heç nəyim qalmayıb. Övladımın əməliyyatdan sonra reabilitasiya prosesi üçün 1 500 manata ehtiyacımız var. Yardımsevər şəxslərdən mənim övladıma kömək etmələrini xahiş edirəm”.

Ailə ilə əlaqə: 077 316 71 93