Xəbərlər



Nobel mükafatçısından ÇAĞIRIŞ: Zənginlər daha çox vergi ödəsin
Nobel mükafatçısından ÇAĞIRIŞ: Zənginlər daha çox vergi ödəsin


Məşhur iqtisadçı varlıları sərvət vergisi ödəməyə çağırır.

Publika.az xəbər verir ki, Nobel mükafatı laureatı Cozef Stiqlitz qazanclarının 70 faizini vergi şəklində ödəmək üçün dünyanın ən zəngin adamlarına çağırış edib.

"Biz sərvətdən daha yüksək vergi tutmalıyıq, çünki sərvətin böyük hissəsi mirasdır", - deyə Stiqlitz qeyd edib.

Bildirilir ki, miras vergisinin əleyhdarları Stiqlitzin bu təklifinin ölən şəxsin sərvətinin ikiqat vergiyə cəlb edilməsi anlamına gəldiyini və varlıları sərvətlərini xaricə köçürməyə təşviq etdiyini düşünür.

Qeyd edək ki, Dünya Bankının keçmiş baş iqtisadçısı olan Cozef Stiglitz 2001-ci ildə iqtisadiyyat üzrə Nobel Mükafatı alıb.

Karbon və torpaq vergilərinin tərəfdarı olan Stiqlitz son illərdə korporativ mənfəət və multi-milyonerlər üçün daha ağır vergiləri təşviq edib və ABŞ prezidenti Co Baydenin qlobal minimum korporativ vergi dərəcəsi ilə bağlı çağırışlarını dəstəkləyib.
Baxış sayı: 167