Rusiya Elmlər Akademiyasının akademiki, fizika üzrə Nobel mükafatı laureatı Jores Alferov 89 yaşında vəfat edib.

Ailehekimiklinikasi.az xəbər verir ki, bu barədə TASS məlumat yayıb.

Onun ölüm xəbərini Rusiya Kommunist Partiyasının lideri Gennadi Züqanov da təsdiqləyib:

“Təəssüf ki, Jores İvanoviç bu gecə həyatdan köçdü. Buna qədər də onun ağır tutması olmuşdu, böhran keçirmişdi”.

Jores Alfyorov Nobel mükafatına 2000-ci ildə yarımkeçirici texnikalar sahəsində tədqiqatlarına görə layiq görülüb. O, Rusiya tarixində Nobel mükafatı almış dörd nəfərdən biridir. Alim həmçinin Rusiya Dövlət Dumasının altı çağırış deputatı olub.

O, Azərbaycan Milli Elmlər Akademiyasının (AMEA) fəxri üzvü olub.