2000-ci illərin əvvəllərində Putin Britaniyaya Baltik dənizi vasitəsilə qaz kəməri çəkməyi təklif edib.

Publika.az BBC-yə istinadlə xəbər verir ki, bu barədə məlumat 2000-ci illərin əvvəllərinə aid, məxfiliyi ləğv edilmiş hökumət sənədlərinə əsasən yayılıb. Həmin vaxt İngiltərədə baş nazir Toni Bleyer olub. Rusiya prezidenti Bleyerlə görüşdə təkcə iki ölkə arasında qurulmuş sıx əlaqələrdən danışmayıb, həm də Baltikdən keçməklə Britaniyaya qaz kəmərinin tikintisini təklif edib.

"Putin o vaxt Böyük Britaniya və Rusiyanın yaxın əlaqələrindən səmimi danışırdı. Putin, hətta Böyük Britaniyaya qaz çatdırmaq üçün Baltik dənizindən qaz kəmərinin inşası layihəsini təklif etdi" məqalədə yazılıb.

Lakin 2002-ci ildə irəli sürülən təklifi reallaşdırmaq mümkün olmayıb.