Türkiyənin milli müdafiə naziri Hulusi Akar Şimali Atlantika Alyansından xahiş edib ki, Afinanın Ankaraya qarşı "təxribatçı hərəkətlərini" dayandırsın.

Publika.az xəbər verir ki, bu barədə “Anadolu” agentliyi məlumat yayıb.

“Afina haqsızlıq edir. NATO nəhayət, bu cür hərəkətlərə “dayan” deməlidir. Türkiyə Egey və Aralıq dənizlərinin dostluq zonasına çevrilməsinin tərəfdarıdır. Yunanıstan barışmaz mövqeyindən əl çəkməli və tarixdən dərs almalıdır”, - Akar bildirib.

Türkiyəli nazir Türkiyənin də daxil olduğu NATO blokunun hər zaman güclü struktur olacağını vurğulayıb.

Türkiyə Egeyin şərqindəki Yunan adalarının hərbiləşdirilməsinə son qoyulmasını istəyib.