ABŞ prezidenti Co Baydenin administrasiyası onun seçki kampaniyası üçün hazırlıqlara başlayıb.

Publika.az xəbər verir ki, bu barədə "The Wall Street Journal" yazır.

Baydenin məsləhətçiləri xüsusilə onun seçki qərargahı üçün yer seçirlər. Seçimlərə Filadelfiya və prezidentin məmləkəti Wilmington, Delaver şəhəri daxildir .

Müşavirlər həmçinin ABŞ-ın keçmiş prezidenti Barak Obama ilə təkrar seçkilərin elan edilməsi üçün mümkün tarixlə bağlı məsləhətləşmələr aparıblar.

Bundan əvvəl Ağ Evin mətbuat katibi Karine Jan-Pier brifinqdə bildirib ki, ABŞ prezidenti Co Bayden ailəsi ilə məsləhətləşdikdən sonra 2024-cü ildə keçiriləcək prezident seçkilərində iştirak edib-etməyəcəyinə qərar verəcək.

Jean-Pierre qeyd edib ki, hazırda Bayden hələ də seçkilərdə iştirak etməkdə qərarlıdır.

Bayden özü bildirib ki, o, həyat yoldaşı ilə Şükran günü (24 noyabr) və Milad bayramı (25 dekabr) arasında prezidentlik kampaniyasında iştirak məsələsini müzakirə edəcək.

ABŞ-ın keçmiş prezidenti Donald Tramp artıq 2024-cü ildə keçiriləcək prezident seçkilərində namizədliyini irəli sürəcəyini açıqlayıb.