ABŞ Prezidenti Co Baydenin xanımı Cill Bayden Ukraynaya səfər edib.

Publika.az xəbər verir ki, bu barədə Ukrayna mətbuatı məlumat yayıb.

Zakarpatye vilayət Şurası məlumatı təsdiqləyib.

Bildirilib ki, Cill Bayden Ujqoroddakı təxliyə edilənlər mərkəzinə baş çəkib və Ukrayna Prezidenti Vladimir Zelenskinin həyat yoldaşı Yelena Zelenskaya ilə görüşüb. Hazırda ABŞ-ın birinci xanımı artıq Ukrayna ərazisini tərk edib.

Ötən gün media Cill Baydenin Buxarestdə ukraynalı qaçqınların uşaqlarının oxuduğu məktəbə baş çəkdiyini yazmışdılar. Daha sonra o, Slovakiyaya gedib, burada da qaçqınlarla bir araya gəlib və ABŞ səfirliyinin rəsmiləri ilə görüşüb.