Ötən bazar günü İstanbulda gerçəkləşdirilən dəhşətli teraktla bağlı bir sıra məqamlar gün üzünə çıxıb.

Publika.az xəbər verir ki, teraktı həyata keçirən Suriya kökənli Ahlam Əlbəşir adlı qadınla yanaşı daha 51 nəfər saxlanılıb.

Onlardan 49-u barəsində həbs qətimkan tədbiri seçilib. Araşdırma zamanı terrorçu qadının üzərindən ABŞ mənşəli 3 GSM kartı aşkarlanıb.

O, bu GSM-lərin Kobanidə PKK terrorçuları tərəfindən şəxsən verildiyini və terror təşkilatının Suriya qanadı ilə məhz ABŞ mənşəli xəttlə əlaqə qurduğunu dilə gətirib.

Terrorçu Ahlam Əlbəşirin bomba yüklü çantasının partladılmasından əvvəl ona bu nömrələrdən zəng və mesaj gəlib. İstintaqın sonunda bu GSM-lər nəticəsində terror aktının sifarişçilərinin və onların arxasındakı şəbəkənin üzə çıxacağı vurğulanır.

Suriyalı terrorçu istintaqa ifadəsində "hücum əmrini Hacı adlı PKK terrorçusundan aldığını" söyləyib. O iyul ayında qeyri-qanuni yollarla Bilal Hassan adlı şəxslə Türkiyə ərazisinə daxil olduğunu bildirib.

Bu arada terrorçunun iyul ayından bəri Küçük Çəkməçdə evində qaldığı Ammar Jarkasın da qandallandığı vurğulanır.