Birləşmiş Ştatlar Ukraynaya nə qədər vaxt lazımdırsa, ona hərbi yardım göndərəcək.

Publika.az xəbər verir ki, müvafiq bəyanatla Pentaqonun yüksək rütbəli rəsmisi çıxış edib.

Onun sözlərinə görə, qışın gəlişi Amerika silahlarının tədarükünə təsir etməyəcək.

"Biz ukraynalılarla, beynəlxalq müttəfiqlərimiz və tərəfdaşlarımızla onların döyüş meydanında uğur qazanmaq üçün lazım olanlara sahib olmasını təmin etmək üçün işləməyə davam edəcəyik və nə qədər lazımdırsa, bunu etməyə hazırıq", - Pentaqon rəsmisi bildirib.

Bundan əvvəl Avropa İttifaqının Ukraynaya silah tədarükünə ümumilikdə 8 milyard avrodan çox vəsait xərclədiyi bildirilirdi. Bunu Avropa diplomatiyasının rəhbəri Cosef Borrell deyib .

Onun sözlərinə görə, xərclənən məbləğ ABŞ-ın ayırdığı vəsaitin 45%-idir.