"Şübhəsiz ki, Nensi Pelosinin bir neçə həftə öncə baş tutan İrəvan səfəri zamanı Azərbaycan əleyhinə səsləndirdiyi bəyanatlar şəxsən onun deyil, ABŞ dövlətinin bəyanatı hesab etmək olar. Fakt budur ki, bu səfər tam şəkildə Dövlət Departamenti ilə razılaşdırılmışdı".

Bunu Milli.Az-a açıqlamasında Rusiyanın Siyasi Araşdırmalar İnstitutunun direktoru Sergey Markov deyib.

Rusiyalı analitik bildirib ki, Paşinyan Rusiyanın erməni maraqları üçün Azərbaycana qarşı vuruşmasını istəyir:

"Yeri gəlmişkən, Nensi Pelosinin bu səfəri ilə Tayvana səfəri arasında fərq budur. Çünki Tayvan, ABŞ Konqresinin Nümayəndələr Palatasının spikeri getdiyi zaman böyük bir məlumat fırtınasına səbəb oldu. Bundan sonra Dövlət Departamenti Nensi Pelosidən indi ora getməməyi xahiş etdi. Prezident Bayden belə, Nensi Pelosinin Tayvana belə təxribatçı səfərinin əleyhinə idi. Amma onun Ermənistana səfəri Dövlət Departamenti tərəfindən tam razılaşdırılıb və təsdiqlənmişdi. Ona görə də Nümayəndələr Palatasının spikerinin Azərbaycanla münaqişədə Ermənistanın tərəfində olması mövqeyi bütün Amerika dövlətinin mövqeyidir.
Ətraflı

Başqa bir məsələ budur ki, Nensi Pelosi bu addımı ermənilərə kömək etmək istədiyi üçün deyil, Ermənistanı Rusiyadan qoparmaq istədiyi üçün atdı. Amma bunda ABŞ dövlət rəsmisi Nikol Paşinyanla tam razıdır. Hamıya məlumdur ki, Paşinyan demək olar ki, bütün karyerası boyu "Qərbin siyasətçisi" olub. Təbii ki, Nikol Paşinyan həmişə Ermənistanı Rusiyadan qoparmağa çalışıb. Amma ona Rusiyapərəst mövqe tutan Ermənistan əhalisinin əksəriyyəti mane oldu. İndi Nensi Pelosi ilə bağlı Nikol Paşinyan ağıllı kombinasiya fikirləşib.

O, sərhəddə hərbi toqquşmalara səbəb olub, sonra Rusiyaya, KTMT-yə müraciət edib kömək istəyib, Rusiya və KTMT ona kömək etməkdən imtina edəndə isə Ermənistan baş naziri bu tipdə bəyanatlar verməyə başladı: "Yaxşı, biz o zaman KTMT-dən çıxacağıq". Nensi Pelosini Ermənistana çağırmaqda məqsəd də onlara bunu etməkdə kömək etmək istəyidir. Bununla da Paşinyan növbəti dəfə Rusiyadan Amerikaya və Fransaya keçid etmək barədə düşündüyünü göstərmiş olur.

Bununla belə, Nikol Paşinyanın problemi hələ də var. Əvvəlki kimi Ermənistan əhalisinin əksəriyyəti rusiyayönlü mövqe tutur. Ancaq Nikol Paşinyanın tutduğu siyasəti davam etdirəcəyi ilə bağlı narahtlıqlar var. Yəni o, Azərbaycana qarşı təxribatlar təşkil edəcək, amma törətdikləri təxribatlar nəticəsində onlarla erməni əsgərinin yenidən bu təxribatlar zamanı həlak olması Ermənistan rəhbərliyinin vecinə deyil.

Amma digər tərəfdən bu təxribatlar və Rusiyanın neytral mövqeyi Nikol Paşinyana öz mediasından istifadə etmək imkanı verəcək ki, erməniləri sakitcə Rusiyadan üz döndərməyə sövq etsin. Belə olan təqdirdə isə onlar təbii ki, Fransa və ABŞ-a üz tutacaqlar. Bu yolla da belə bir dönüş yaratmağa can atırlar. Paşinyan bunu təkcə qərbpərəst və amerikapərəst siyasətçi olduğuna görə deyil, həm də başqasının erməni maraqları üçün Azərbaycana qarşı vuruşmasını istəyir.

Rusiya Qarabağda erməni maraqları uğrunda döyüşmək üçün öz qoşunlarını göndərməkdən imtina etdiyi üçün məhz Paşinyan və komandası belə qərara gəldi ki, qoy bundan sonra amerikalılar, ya da fransızlar gəlsin Qarabağda Azərbaycana qarşı erməni maraqları uğrunda vuruşsun. İndiki halda bu, qeyri-mümkündür, amma ümumiyyətlə, Amerikanın əmri ilə sülhməramlılar adı altında NATO-nun bəzi birləşmələrinin Ermənistanın tərəfində döyüşmək üçün ora gələ bilməsi Paşinyanın, eləcə də bir çox erməninin arzusu və planıdır".