Çin hakimiyyəti ABŞ Konqresinin nümayəndəsi Nensi Pelosinin Tayvana gözlənilən səfəri ilə əlaqədar ABŞ-ın hazırkı prezidenti Co Baydenin administrasiyasına daha sərt xəbərdarlıq edib.

Publika.az xəbər verir ki, bu barədə Britaniyanın "Financial Times" gündəlik qəzeti məlumat yayıb.

Nəşrin yazdığına görə, hazırda ABŞ administrasiyasının rəsmiləri Çinin həqiqətən ABŞ-a qarşı ciddi təhdidlər edib-etmədiyini, yoxsa Çinin ali siyasi rəhbərliyinin ABŞ-la silahlı münaqişə astanasında tarazlığı saxlamağı planlaşdırdığını müəyyən etməyə çalışırlar. .

Bundan əlavə, Ağ Evə yaxın bir neçə mənbə vurğulayır ki, hazırda Amerika siyasətçiləri Pelosinin səfərinin Çin və ABŞ arasında əsl silahlı qarşıdurmaya səbəb ola biləcəyindən ciddi narahatdırlar.

Nəşr onu da əlavə edib ki, bir neçə təsdiqlənmiş mənbə Nümayəndələr Palatasının spikeri Nensi Pelosinin səfəri zamanı Pekinin Tayvana hərbi təzyiqinin əhəmiyyətli dərəcədə artacağı ehtimalını etiraf edir.

Bundan əvvəl məlumat verilmişdi ki, ABŞ Prezident Administrasiyası Çin hakimiyyətinin ABŞ Konqresinin nümayəndəsi Nensi Pelosinin Tayvana işgüzar səfərini pozmaq üçün mümkün cavab tədbirlərindən narahatdır.