Dövlət Dumasının MDB işləri üzrə komitəsi sədrinin birinci müavini Konstantin Zatulin Kollektiv Təhlükəsizlik Müqaviləsi Təşkilatının (KTMT) öz ərazisində planlaşdırılan “Sarsılmaz Qardaşlıq-2022” komanda-qərargah təlimlərinin Qırğızıstan tərəfindən ləğv edilməsinə münasibət bildirib.

Publika.az xəbər verir ki, onun sözlərinə görə, “Qırğızıstan mübahisə etmək istəmədiyi “Qərbdən gələn siqnalları” yaxalayır və bütün digər ölkələr kimi, xüsusən də MDB ölkələri kimi Rusiyanın nə qədər güclü olduğunu, Ukraynaya qarşı mübarizədə qələbə qazanmaq üçün nə qədər “qadir olduğunu” təhlil edir”.

“Mənə elə gəlir ki, Qırğızıstanda belə bir vəziyyətdə Rusiyadan bir qədər uzaqlaşmağın mümkün olduğunu düşünürlər”, - siyasətçi bildirib.

Zatulin qeyd edib ki, Bişkekin KTMT təlimlərini ləğv etmək qərarı fasiləyə doğru həlledici addım olmayacaq, lakin aydındır ki, Qırğızıstan “bütün dünyada gedən” Qərbin sanksiyalar oyuna qoşulub.