Rusiya Xarici İşlər Nazirliyinin Latın Amerikası departamentinin direktoru Aleksandr Şetinin bəzi Latın Amerikası dövlətlərinin Kollektiv Təhlükəsizlik Müqaviləsi Təşkilatına (KTMT) qoşulma ehtimalını hipotetik adlandırıb.

KAİM.az xəbər verir ki, o, bu barədə fikirlərini TASS agentliyinə verdiyi müsahibədə paylaşıb.

Diplomat bununla bəzi Latın Amerikası ölkələrinin KTMT-yə qoşulma ehtimalının nə dərəcədə real olması ilə bağlı verilən və hətta Rusiya ekspertləri arasında ciddi müzakirə olunduğu deyilən sualı cavablandırıb.

“Belə bir hipotetik ehtimalın müzakirəsini adlarını çəkdiyiniz ekspert dairələrinin öhdəsinə buraxmaq istərdim, qoy onlar bunun üçün əsasların olub-olmadığını desinlər”,-deyə Aleksandr Şetinin qeyd edib.

Xatırladaq ki, Kollektiv Təhlükəsizlik Müqaviləsi Təşkilatı Rusyanın təşəbbüsü ilə Avrasya məkanında qurulan NATO-ya qarşı hərbi-siyasi qurumdur. Hazırda onun 6 üzvü var.