"Avropalı siyasətçilər Kalininqrad vilayətində tranzit problemini həll etməsələr, Rusiyanın cavabı layiqli olacaq".

Publika.az xəbər verir ki, bu barədə bazar günü Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib .

“Biz dəfələrlə açıq şəkildə onlara demişik ki, cavab layiq olacaq", - Zaxarova deyib.

XİN nümayəndəsi avropalı siyasətçilərə Rusiyanın səbrinin hüdudsuz olmadığını xatırladıb. Onun sözlərinə görə, Qərb tərəfdaşları Kalininqraddakı mövcud vəziyyətlə bağlı məsələni yaxın vaxtlarda həll etməlidir.

Xatırladaq ki, iyunun 18-dən Litva dəmir yolları bir sıra yüklərin tranzitini dayandırıb. Rusiya hökuməti Vilnüsdən Kalininqradın nəqliyyat blokadasını ləğv etməyi tələb edib. Rusiya Xarici İşlər Nazirliyinin sözçüsü Mariya Zaxarova Litva hökumətinin hərəkətlərini düşmənçilik adlandırıb. Daha sonra Litva Xarici İşlər Nazirliyi Kalininqrad vilayətinə yüklərin tranzitinə qoyulan qadağanı Aİ-nin sanksiyaları ilə izah edib.