Yaxın vaxtlarda Rusiya, Ermənistan və Azərbaycan baş nazirlərinin müavinlərinin həmsədrliyi ilə Qarabağ üzrə Üçtərəfli İşçi Qrupunun görüşü keçiriləcək və bu ilin sonunadək Rusiya Xarici İşlər Nazirliyinin xətti ilə Bakıda təmasların keçirilməsi planlaşdırılır.

KAİM.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

Diplomat qeyd edib ki, Rusiya ən yüksək səviyyədə üçtərəfli sazişləri Azərbaycan- Ermənistan münasibətlərinin normallaşması prosesinin irəliləyişinin əsası hesab edir: “Moskva Bakı və İrəvanla bütün istiqamətlərdə, o cümlədən iqtisadi və nəqliyyat əlaqələrinin blokadasının açılması, münaqişənin həlli prosesinə başlamaq, Azərbaycan- Ermənistan sərhədinin delimitasiyası, sülh müqavilələrinin razılaşdırılması ilə bağlı fəal işləməyə davam edir. Rusiya Federasiyası Baş nazirinin müavini Aleksey Overçuk ilə Azərbaycan Prezidenti İlham Əliyev arasında aprelin 26-da baş tutan görüşdə nəqliyyat blokunun açılması məsələləri müzakirə edilib. Həmçinin Ermənistan və Azərbaycan tərəfləri ilə görüş keçirməsi razılaşdırılıb.

Yaxın vaxtlarda baş nazir müavinlərinin həmsədrliyi ilə üçtərəfli işçi qrupunun növbəti iclası keçiriləcək. Sərhəd məsələlərinə gəlincə, bu həftənin sonunadək Rusiya Xarici İşlər Nazirliyinin xətti ilə Bakıda görüşlər planlaşdırılır”, – Zaxarova bildirib.

Rusiya XİN-in rəsmi nümayəndəsi əlavə edib ki, Rusiya tərəfi Azərbaycan və Ermənistan arasında münasibətlərin qurulması mövzusunda üçtərəfli əlaqələr yüksək səviyyədə işlənilir.

“Nəticə verən formatlarda real iş göz qabağındadır. Biz mövcud formatlarda qalırıq, görürük ki, orada iş gedir. Biz o sənədlərin formatlarına və həyata keçirilməsinə əsas əhəmiyyət veririk ki, onlar birlikdə real nəticə verir. Bu nəticəni mülki şəxslər, təsərrüfat subyektləri, bütövlükdə region hiss edir”, – deyə Zaxarova əlavə edib.