Ermənistan Xarici İşlər Nazirliyi Azərbaycandakı xarici ölkə səfirlərinin iyunun 10-da Şuşaya səfərinə etiraz edərək həmin ölkələrin İrəvandakı nümayəndələrinə nota verib.

KAİM.az xəbər verir ki, nazirlik həmin ölkələrin Ermənistandakı diplomatik nümayəndələrinə xəbərdarlıq da edib.

Belə ki, Ermənistan tərəfi Şuşanı “qədim erməni torpağı” hesab etməklə yanaşı, “Artsaxın mədəniyyət paytaxtı” kimi təqdim edərək, səfirlərin şəhərimizə səfərini “işğal altında olan torpaqlara qeyri-qanuni səfər” adlandırıb.

Ermənistan XİN hesab edir ki, bu “yolverilməzdir”.

“Bütün səfirlərə çatdırıldı ki, onların Azərbaycandakı nümayəndələrinin Şuşa şəhərinə səfəri Ermənistanla münasibətlərin və ATƏT-in Minsk Qrupunun ruhuna ziddir. Biz həmin ölkələrin səfirlərinə bildiririk ki, belə addımlardan çəkinsinlər”.