Son məlumatlara görə, Filippində koronavirusa yoluxanların sayı artaraq, 30 min nəfəri ötüb.

Milli.Az AZƏRTAC-a istinadən bildirir ki, bu barədə iyunun 21-də Filippin Səhiyyə Nazirliyi məlumat yayıb. Bildirilir ki, son sutka ərzində bu ölkədə ümumilikdə 653 koronavirusa yoluxma halı qeydə alınıb. Bununla da ölkə üzrə COVID-19 virusuna yoluxanların ümumi sayı 30 min 52 nəfər təşkil edib.

Bununla yanaşı, virusun yaratdığı xəstəlikdən həyatını itirənlərin sayının da son sutkada 19 nəfər artdığı və 1169 nəfərə çatdığı bildirilir. Epidemiyanın başlamasından ötən dövrdə Filippində ümumilikdə 7893 nəfərin sağaldığı da qeyd edilir.