Mədə xərçəngi yaşlı insanla gənc insanda fərqlənir və demək olar, gedişatı, simptomları, proqnozu müxtəlifdir.

Milli.Az medicina.az-a istinadən bildirir ki, ABŞ Mayo Universitetinin alimləri yeni tədqiqatlarında mədə xərçənginin indi daha çox gəncləri hədəfə aldığını sübut edib.
55 yaşına kimi mədə xərçənginin kliniki təzahürü, əlamətləri yaşlı insanlardan xeyli fərqlənir.

Tədqiqatın nəticələri göstərib ki, xəstə nə qədər gənc yaşda mədə xərçənginə tutulursa, onun simptomları bir o qədər gec özünü göstərir, tez yayılır, sürətlə kəskinləşir və standart müalicələrə az tabe olur.

Statistika maraqlı rəqəmlər göstərir: son 15 ildə yaşlı insanlar arasında mədə xərçəngi azalıb, gənc yaşda, yəni 50 yaşa kimi rast gəlinmə isə artır.

Bu isə həyəcan təbili çalmağa yetərlidir. Çünki mədə xərçəngi şiş xəstəliklərinin ən ağırıdır, gec diaqnoz olunur, yalnız endoskopik və biopsiya ilə aşkarlanır. 40 yaşına kimi mədənin endoskopik müayinəsindən keçməyənlər isə ümumiyyətlə orda nə baş verdiyindən xəbərsiz olur.

Mayo Universitet alimləri 1973-2015-ci illər dövrü üçün 75 225 nəfər mədə xərçəngi xəstəsinin məlumat bazasını təhlil edib. Hazırda mədə xərçəngi üçün yaşlı adamlarda orta yaş 66-68 yaşdır. Amma bu yaşda diaqnoz olunanlar azalır, amma 35-55 yaş arasında xəstələnənlər isə artır.

Hər 3 nəfər mədə xərçəngi aşkarlanan xəstənin 1-i gənc yaşda xəstədir.