“Reanimasiyaya yerləşdirilən xəstələrin yaxınlarında təşviş yaranır. Hər bir xəstəni reanimasiyaya yerləşdirmək üçün mütləq şəkildə göstərişlər olmalıdır”.
Oxu.Az xəbər verir ki, bunu Səhiyyə Nazirliyinin mütəxəssis-eksperti, reanimotoloq İsrail Məhərrəmbəyli deyib.
O bildirib ki, reanimasiyaya yerləşdirilən xəstələrin çoxunun huşu özündə olur:
“Hətta bəzən həkimlərin konsultasiyası pasiyentlərin yanında keçirilir. Reanimasiyada genişhəcmli müşahidə aparılır. Həkimlər daim pasiyentlərin yanında olur. İnsanlar elə düşünməsin ki, yaxınları orada diqqətdən kənarda qala bilər. Reanimasiyada hər bir xəstə həkim nəzarətində olur. Heç kim orada nəzarətsiz qalmır. Koronavirus xəstələri narahat olmasınlar”.