Yüksək arterial təzyiq ürək-qan damar sistemi xəstəlikləri arasında çox geniş yayılan bir problemdir. İqtisadi baxımdan orta səviyyədə inkişaf etmiş ölkələrdə ölümün səbəbləri arasında səkkizinci yerdə bu problem durur. Yüksək art. təzyiq sistolik arterial təzyiqin 140-dan, diastolik arterial təzyiqin isə 90 millimetr civə sütunundan yuxarı qalxmasıdır.
Yüksək art. təzyiqin 95 faizi essensial hipertenziyanın, yəni hipertoniyanın payına düşür, qalan 5 faizi isə simptomatik hipertenziya təşkil edir.
Yüksək art. təzyiq riskləri arasında əsas yeri nefropatiya və böyrək səbəbli problemlərin tutur. Qeyri-rasional qidalanma, az hərəkətlilik təzyiqin yüksəlməsində mühüm rol oynayır.
Essensial hipertenziya daxili orqanlarda heç bir problem olmadan, heç bir üzvi dəyişiklik baş vermədən yaranırsa, simprtomatik, ikincili hipetrenziya daxili orqanlarda olan hər hansı üzvi dəyişiklik, yəni vegetativ orqanların xəstəlikləri nəticəsində ortaya çıxır.
Yüksək art. təzyiqin yaranmasının endokrin, nefrogen səbəblərlə də bağlıdır. Simptomatik hipertenziyanın 4 faizi nefrogen, 0,1-0,3 faizi endokrin mənşəli olur.
Hədəf orqanlar – ürək, beyin, böyrəklər, damarların zədələnməsi mühüm əhəmiyyət kəsb etdiyi üçün onların vəziyyəti mütləq diqqətdə saxlanmalıdır!