Qərənfil; nahaq tökülmüş qanın rəmzi!
Qərənfil - Karanfil latın dilində Dianthus adlanır. Mənası ilahi çiçək, tanrı, Zeus çiçəyi deməkdir. Karl Linney bitkilərin klassifikasiyası zamanı qərənfilin dianthus adını, yəni “tanrı çiçəyi”adını saxlamışdır. Əfsanəyə görə tanrıça Artemida uğursuz keçmiş ovdan qayıdarkən çöldə bir musiqi çalan gənc çoban görür. Artemidanın ona baxdığını hiss etməyən çoban öz musiqisini ifa etməkdə davam edir. Artemida çobanı bütün ov heyvanlarının ürküb qaçmasında təqsirləndirir və onun üzərinə atılaraq gözünü vurub çıxarır. Bu çılğın və səhv hərəkətini anlayan Artemida gəncin yerə tökülmüş gözünə baxır və həmin an o qırmızı qərənfilə çevrilir. Bu vaxtdan etibarən həmişə qırmızı qərənfillər nahaq tökülmüş qanı xatırladaraq haqsızlığın simvolu oldu. Qeyd etmək lazımdır ki, yalnız qədim yunanlarda qərənfil nahaq tökülmüş qanın rəmzi deyil, Fransada, eləcə də Azərbaycanda qanlı tarixi hadisələrlə bağlıdır və “od”, “alov”, “mübarizə”simvolu çiçəyidir. Qərənfil çiçəyinə Alban d. “Qarafil”, İngilis, Nepal, İrland, İsland, Yoruba,Yavan, Haiti dilində “Karnation”, Bask d. “Krabelin”, Bolqar d.”Karamfil”, Bosna, Xorvat, Makedon ,Türk dillərində “Karanfil”, İtalyanca “Garofano”, Malta “Qronfila”, Çex, Slovak dilində “Karafiat”, Qalisiya, Portuqal dilində “Cravo” deyilir.
“Hor sivilizasiyası və onun günümüzdə izləri” kitabından. F. Rüstəmova