Çariçalar- Ana Tanrıçanın, Göylər Çariçasının təcəssümü hesab edilirdilər. Osir və İsisin oğlu Hor; Misir taxt tacını miras almış əbədi çardır. Hor; Həm cənnətin hökmdarı, yer üzünün kralı, Qutsal Şahindir, həm də bütün Kainatın Çarı və Tanrısıdır. O, əzəldən bəri var olmuşdur. Bəlkə ona görə əksər çarların adları və bütün hökmdarlığa aid titullarda onun adı anılır?! Qədim Misirdə Günəş; Tanrıların və insanların ilk çarı hesab edilirdi və o, “Ra” idi. Diodor deyirdi: “Qədim Misirin ilk çarı Günəş idi. Dünyasını dəyişən Firon isə Günəş Tanrısının taxt - tacını tutmuş olurdu. Misir mifologiyasında dövlətlə kosmosun qarşılıqlı əlaqəsi var idi və Günəş ilə Çar mövzusu bir - biri ilə sıx bağlı idi. Həm də bu bağlılıq özünü Firon kultunda daha qabarıq göstərirdi. Əbədi Tanrı Hor/Qor idi və hər bir prins taxt - taca çıxarkən Qor/Hor hesab edilirdi. Qor - Qartal, Gök/Göy Tanrı yuxarı Misirin çarında təcəssüm etmiş olurdu; Tanrı “Ra” ilə təsbit edildikdə isə Firon eyni zamanda səmavi Ata Ranın oğlu hesab edilirdi. Osiris/Osir haqqındakı mif Heliopolis Günəş teologiyasına daxil ediləndən sonra canlı Firon Qor/Hor tanrısına, dünyasını dəyişmiş Firon isə Osirə təcəssüm etmiş olurdu, yəni Osir olurdu. Firon ədalət baxımından Tot, hakimiyyət baxımından isə Ra olurdu. Qızılbaşlıqda dünyasını dəyişmiş adama ölüb deməzlərmiş. Adamın bədənində müəyyən vaxt ərzində qonaq olan ruhu Tanrıya təslim etmək mənasında “əmanəti təslim etdi”, görünən aləmdən, görünməyən, sirli aləmə keçdiyinə görə “Sirr” oldu deyərmişlər.
Qədim Misirdə isə dünyasını dəyişmiş hər bir Firon “Osir” olurdu.
Bəlkə “sirr” elə o sirdir, yəni Osirdir...[/b][b]