Sarımsaq bakteriyaları, virusları, zərərli mikroorqanizmləri məhv edir, bir çox ciddi xəstəliklərin sağalmasına səbəb olur. Sarımsaq bağırsaqları qurdlardan təmizləyir, parazitləri məhv edir. Tez-tez yemək zamanı sarımsaqdan istifadə etmək orqanizmdə bir çox problemlərin aradan qalxmasına səbəb olur.

Ailehekimiklinikasi.az medicina.az-a istinadən xəbər verir ki, yastığın altına hər gecə bir diş sarımsaq qoymaq və səhər yeməyi zamanı onu yemək bağırsaqlardakı parazitlərin məhvinə səbəb olur. Belə ki, səhərə kimi sarımsaq iyləyərək yatmaq və səhər yeməyi zamanı onun qəbulu bağırsaq qurdlarını təmizləmək üçün ən yaxşı fikirdir. Çünki acqarına sarımsaq yemək parazitlərlə mübarizədə ən yaxşı vasitədir. Səhər yeməyi zamanı sarımsaq yeməyin orqanizmə aşğıdakı faydaları vardır:

* Böyrək xəstəlikləri riskini azaldır

* Arteriyalardakı daralmaları aradan qaldırır

* Nəfəs yollarında infeksiya xəstəliklərinin əmələ gəlməsinin qarşısını alır.

Sarımsağın bağırsaqlarda fəaliyyətini sürətləndirmək üçün onu əzib üzərinə günəbaxan yağı və bir-neçə damcı çəfəri şirəsi əlavə etmək lazımdır. Bu zaman sarımsaq mədədən tez sorulur və ağızdan sarımsaq iyi gəlmir.

Qeyd edək ki, azyaşlı uşaqların yastığının altına sarımsaq qoyulduqda, uşaq səhərə kimi onun zəif qoxusunu iyləyir və bu da uşağın tədricən sarımsaq iyinə uyğunlaşmasına və onu həvəslə yeməsinə səbəb olur.