Alabama Universiteti (ABŞ) alimləri ürək tutması və infarktın riskini azaltmaq üçün qidalanmada cüzi dəyişikliklər etməyi tövsiyə edir.

Saglamolun.az The Daily Mail-a istinadla xəbər verir ki, alimlər ürəyi qorumaq üçün hər gün 1-2 banan yeməyi məsləhət görür. Kaliumla zəngin olan banan damarların sağlamlığını və elastikliyini qoruyur ki, bu da infarkt və ürək tutmasının rizkini azaldır.

Mütəxəssislər siçanlar üzərində bir sıra eksperiment aparıb. Bir qrup siçan ürək-damar sistemi xəstəliklərinin riskini artıran yağlı qida ilə yanaşı kalium alırdı, digər qrup isə yox.

Eksperimentin sonunda məlum olub ki, kalium alan siçanların damarları daha sağlam və elastik olub.

Damarların elastikliyinin azalması ürək tutması, infarkt və insultun riskini artırır.