Koksaki - uşaq bağçalarında "məskunlaşan" virus
Koksaki virusu insanın mədə və bağırsağında çoxalan, yoluxucu enteroviruslara aiddir. İlk dəfə ABŞ-ın Koksaki şəhərində aşkar olunduğuna görə belə adlanır.
Əsasən 10 yaşa qədər uşaqlarda təsadüf olunur. Bu xəstəlik zamanı ağızda, əl və qollarda balaca yaralar əmələ gəlir. Hərarət, boğaz ağrısı, ürək bulanma, qusma, ishal kimi kliniki əlamətlərlə təzahür edir. Virus insandan insana asanlıqla hava-damcı yolu və ya tüpürcəklə, qanla, sidiklə keçə bilər. Uşaq bağçalarında bu virus asanlıqla yayıla bilər
Xəstəliklərin əlamətləri:
Yoluxmadan 5-10 gun sonra uşağın ağzında, qollarında və ayaqlarında balaca yaralar görünür. Hərarət 2-3 gün davam edir. Udma çətinləşdiyi və boğaz ağrısına görə uşaq yeməkdən və içməkdən imtina edir və bədən susuzlaşır. Adətən bu xəstəlik 1 həftəyə sağalır, virus mənşəli olduğuna görə antibakterial dərmanlara ehtiyac olmur. Ağrı və hərarəti azaltmaq üçün uşağa parasitamol, ibuprofen kimi dərmanlar təyin olunur. Ağızda olan yaralara görə isə uşaqlarda diş çıxarma dövründə damağa sürtülən geldən istifadə oluna bilər. Adətən böyüklərdə bu virusa bədəndə artıq immunitet olur. Ona görə də böyüklər bu virusa çox nadir hallarda yoluxur, yoluxanda isə demək olar ki, əlamətsiz keçirir. Hamilə qadınlar da bu virusa yoluxa bilər. Əgər hamilə qadın 3-cu trimestrda xəstələnərsə, infeksiya dölə keçə bilər. Lakin hətta uşaq bu xəstəliyin əlamətləri ilə dogulsa belə, xəstəlik yungül keçir və tez sağalır. Hamilə qadınlar yoluxmuş insanlardan uzaq olmalıdır. Əgər kontakt baş veribsə, dezinfeksiya edici məhlul ilə bədəni, xüsusi ilə də əlləri təmizləmək lazımdır. Çünki çox nadır hallarda Koksaki virusunun yaratdığı xəstəlik miningit, ensefalit, iflic, miokardit, diabet, infeksion mononuklios və s. kimi agırlaşmalar yarada bilər.
Profilaktikası:
Həm xəstə, həm saglam adamlar əllərini tez-tez sabunla yumalı, qida təzə və yaxşı yuyulmuş olmalı, ailədə kimsə xəstələnibsə, onun şəxsi əşyalarını ayırmalı və təmiz saxlanmalı, şəxsi və ümumi gigiyenik qaydalara riayət olunmalıdır.
[/b][b]