İusat/iwsоt - Misir mifologiyasında Atumun əlidir. İusatın müqəddəs ağacı “həyat və ölüm ağacı” hesab edilən akasiya-dır. Qədimdə yunanlar İusatı Saosis adlandırırdılar. Xristianlara görə (Bibliyaya əsaslanaraq) yəhudi məbədi-nin altarı və Nuhun gəmisi akasiya ağacından (Qofer) hazırlanmışdı. Lənkəran Albisiyası (latın d. Albizia julibrissin)-Paxlakimilər ailəsinə mənsub olan bu ağac İpək ağacı, Lənkəran Akasiyası, Güləbrişim kimi adlarla da tanınır. Albisiya/Albizia adı - Florensiyalı Filippo del Albisiyanın/Albizzinin adı ilə bağlıdır. Filippo del Albisiya Avropanı XVIII əsrdə bu bitki ilə tanış edib.
Azərbaycanın bir sıra rayonlarında da bu bitkinin magik xüsusiyyətlərinə inanılır və pis gözlərdən, pis niyyətlərdən qorunmaq üçün Akasiya tikanından hazırlanmış amuletşəkilli kiçik budaqlar qonaq otağında güldanın içərisinə qoyulur, evin giriş qapısının üstündən və maşının/avtomobilin güzgüsünün üstündən asılır (asılırdı).

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından