Hər cür torpaqda və hava şəraitində yetişdiyinə görə buağac xristian və yəhudilərdə dözümlülüyün, əbədiliyin və ina-mın simvolu hesab edilir.
Eyni zamanda, akasiya Bibliyada adı keçən ağaclardan biridir və inanılır ki, Hz. Musanın Allahla danışdığı yerdə yanan kol, məhs akasiya idi. Əhdi-Cədidin gəmisi Akasiya ağacın-dan düzəldilmiş və İsa Məsihin tikanlı tacı da akasiyadan hörülmüşdür. Həmçinin Əhdi-Ətiqdə Bükülmüş akasiya ağacından bəhs olunur; İsrail övladları tərəfindən çadırı tikmək və bəzəmək üçün (Skiniyanın qurulmasında), o cümlədən Əhdi-Cədiddə istifadə edilmişdir.
Viktorian epoxasında romantik hisslərin təzahürü hesab edilirdi. Ağ Akasiya platonik məhəbbətin, sarı Akasiya keçmiş hissləri, çəhrayı isə şarm və eleqantlığı simvolizə edirdi.
Avstraliyada 1 sentyabr “Milli Akasiya bayramı” kimi bayram edilir və Avstraliya ittifaqının çiçəkli emblemidir.
Akasiyanın tikanları hələ inkişaf etməmiş budaqlardır, çiçəklərinin isə ləçəkləri yoxdur və tozlanma yaradan Stamendən ibarətdir.
Akasiya magiyada qara qüvvələrdən qorunma və gələcəyə baxmaq vasitəsi kimi istifadə edilib. Sürətlə böyüyən Akasiya ağacı məhsuldarlığın, nəsilartırmanın himayəçisi hesab edilib və inanılırdı ki, magik qüvvəyə malik olan Akasiya insanın hər iki cinsinin çoxalma instinklərini gücləndirir. Ona görə də cütlüklər bu ağacın çəri altında övlad sahibi olmaq üçün niyyət və dualar edirdi.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından