Qədim Misirdə tanrıça Xatxor və İsidanın şərəfinə isə inəklər müqəddəs hesab edilirdi. Səma tanrıçası Xatxor isə ümumiyyətlə inək simalı təsvir edilirdi.
Qədim Misirdə pişiklərə tanrılar kimi sitayiş edilməsi də təsadüfi deyil. Günəş tanrısının sevimli heyvanı hesab edilən pişiklər günəşin gözü ilə müqayisə edilirdi. “Ölülər kitabı”nda yazılanlara görə yeraltı ilan Persey ağacını yemək istəyərkən Apopun başını dişləmişdi.
Pişik Yer planetində ən sevimli heyvanlardan biridir. Qədim zamanlardan müşahidə edilib ki, pişiklər fövqəltəbii bir xüsusiyyətə malikdir.
Hazırda elmi cəhətdən sübut edilib ki, pişiklərin elə eşitmək, görmək və hiss etmək qabiliyyətləri var ki, onları insan hiss etmir. Pişiklərin əsas xüsusiyyətlərindən biri kimi telepatiya xüsusiyyətini göstərmək olar. Pişiklər öncədən sahiblərinin öləcəyini və ya xoşagəlməz bir hadisə ilə üzləşəcəyini hiss edir. Həm də onlar şəfaverici bir enerjiyə malikdirdirlər. Belə ki, pişiklər xəstə insanların yanına gələrək onları müalicə edir, xəstə orqanın üzərində uzanır, hətta sahibinin gözlərinin içərisinə baxaraq, sanki onu hipnoz edərək həmin nahiyəni massaj edir.
Elmə məlumdur ki, pişik müalicəsindən sonra yaddaş, hərəkət, aktivlik bərpa olunur, hipertoniya və aritmiya nizamlanır, depressiya və ürək ağrıları aradan qalxır, onkoloji xəstəliklərdə müsbət təsir edir. Əgər mənzildə neqativ enerji varsa pişik orada qalmır, onun yaşadığı mənzildə isə uşaqların immun sistemi möhkəm, emosinal halları isə tarazlı olur.
Nevralgiya, artrit, başağrı və digər narahatlıqlarda pişiklər həmin nahiyədə uzanaraq öz bədən istilikləri ilə həm də massaj hərəkətlərilə reflektor zonalara təsir edərək spazmları azaldırlar. Onların xəfif mırıltıları isə ultrasəs müalicəsi kimi təsir edir.
Qədim Misir müdrikləri və Tibet lamaları pişiklərin bu xüsusiyyətlərindən xəbərdar idilər. Şərq təbabətinə görə insanların xəstəlikləri energetik disbalans nəticəsində yaranır. Hətta xəstəliklərin müalicəsi üçün zaman kəsiyi də hesablanırmış.
Belə ki: -Saat 3.00-5.00-a qədər ağciyər və bronx xəstəlikləri, saat 5.00-7.00-a qədər mədə-bağırsaq xəstəlikləri, saat 11.00-13.00 qədər isə ürək-damar xəstəlikləri pişiklərin köməyi ilə müalicə daha yaxşı effekt verir.
Axşam saatlarında isə pişiklərin köməyi ilə ümumi yorğunluğu çıxarmaq mümkündür.
Pişiklərin kastrasiya və sterilizasiya edilməsi isə onların şəfaverici xüsusiyyətlərinin əksəriyyətinin itməsinə səbəb olur.
Sevimli pişiyin olması tənha insanların həyatının mənasına çevrilir və onlara həyatı sevərək yaşamağa şərait yaradır.


Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından