İslam mədəniyyəti tarixində musiqi ilə müalicə olunan şəfa ocaqlarının sayı çox olmuşdur. Onlardan bir neçəsi ilə tanış olaq:
-Nurəddin Zəngi xəstaxanası (Şam 1154).
- Amasya bimarxanası (1308).
- Gövhər Nəsibə Tibbi Mədrəsəsi.
Muğamların (təsnif, şöbə, rənglərin) insanla qarşılıqlı əlaqəsi
Musiqi ilə atsronomiya elmləri arasındakı qarşılıqlı əlaqədən bəhs edən alimlər (daha doğrusu, orta əsr İslam-Şərq alimləri) bürclərlə muğamların uyğunluq məsələsinə də toxunmuşlar. Onlar bəzi bürclərlə muğamların eyni təbiətə malik olmasını vurğulamışlar.
Muğamların bürc qarşılıqları
-Rast: qoç, ünsür - atəş.
-İraq: buğa, ünsür - torpaq.
-İsfəhan: əkizlər, ünsür - hava.
-Zərəfkənd: xərçəng, ünsür - atəş.
-Rəhab: tərəzi, ünsür - atəş.
-Hicaz: oxatan, ünsür - torpaq .
-Üşşaq: balıq, ünsür - su.
Muğamların (şöbələrin, təsniflərin) xəstəliklərlə əlaqələndirilməsi
-Rast: iflic xəstəliklərinin sağalmasına şərait yaradır.
-İraq: yüksək hərarət, sətəlcəm və titrəməni sağaldır.
-İsfəhan: soyuqdəymə, halsızlığı aradan qaldırır, yaddaşın gücləndirilməsinə təsir edir.
-Rəhab: baş ağrıları, ürək çırpıntıları, qan azlığı və digər qan xəstəlikləri müalicəsinə müsbət təsir göstərir.
-Hüseyni (Mənsuriyyə): ürək və ciyərdə olan iltihablar, mədə problemlərinin müalicəsinə müsbət təsir edir.
-Hicaz: bağırsaq xəstəlikləri, ağrı və sancıların müalicəsinə kömək edir.
-Üşşaq: yuxusuzluq və ayaq ağrılarının müalicəsində xeyirlidir.


Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından