Xəbərlər



Hind xalq təbabətində reyhan bu bitki kimi müqəddəs sayılır - Firəngiz Rüstəmova
Hind xalq təbabətində reyhan bu bitki kimi müqəddəs sayılır - Firəngiz Rüstəmova


İnsan ildə 2-3 dəfə reyhan tumu çeynəyərsə onun 146 yaşı olsa belə dişləri ağrımaz. Əgər Günəşin Qoç bürücündən keçdiyi zaman çeynəyərsə o insan ümumiyyətlə xəstələnməz.
Amma reyhan toxumları unutqanlıq yarada bilər. Onun qovrulmuş toxumlarının su ilə istifadəsi, qəbulu bağırsaq xoralarında faydalıdır.
Mərkəzi Asiya ölkələrində reyhan bitkisi çox populyardır. Reyhan çayından mədə bağırsaq pozuntularında, ishalda, sakitləşdirici, qızdırmasalıcı vasitə kimi istifadə edilir.
Reyhandan alınan distillatın hazırlanma qaydası da bu günümüzə qədər gəlib çatmışdır. Bu gün həmin distillat “Reyhan arağı/Araki rayxon” adlanır və ürək xəstəliklərində dərman kimi istifadə edilir. Distillat gündə 2-3 dəfə bir çay qaşığı qəbul edilir.
Bolqar xalq təbabətində orta və xarici qulağın iltihabı zamanı təzə sıxılmış reyhan şirəsi qulağa damızdırırlır. Bolqar fitoterapevtləri reyhan məhlulundan qızdırmasalıcı, sidikqovucu, sidikçıxarıcı yolların iltihabi xəstəliklərində müalicəvi vasitə kimi istifadə edirlər. Qeyd edirlər ki, reyhanın 10% -li məhlulu spazmolotik təsirə malikdir.
Ayurveda və hind xalq təbabətində reyhan lotos kimi müqəddəs bir bitki sayılır. Belə hesab edirlər ki, reyhan inancı artırır, sevgi enerjisi və sadiqlik yaradır. Ağlı aydınlandırmaq üçün onun içkisindən istifadə edilir. Bitkinin şirəsindən ayurveda təbabətində dərinin göbələk xəstəliklərinin müalicəsində istifadə edilir.
İran xalq təbabətində bağırsaq pozuntularında və ishalda, uyğurlarda ürək xəstəliklərində işlədilir.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından


Hind xalq təbabətində reyhan bu bitki kimi müqəddəs sayılır - Firəngiz Rüstəmova
Baxış sayı: 108