"Şəkər xərçəngi qidalandırır" kimi insanlar arasında bir mif dolaşır, yəni bədxassəli yenitörəmə diaqnozu qoyulanlar şəkər (qlükoza) olan məhsullardan imtina etməlidir, çünki qlükoza ilə zəngin olan şirin qidalar şişin böyüməsinə kömək edir.

Ona görə bir çox insan hətta öncədən xərçəngdən qorunmaq üçün şəkəri həyatından çıxarır.

“Medicina” xəbər verir ki, onkoloq, hematoloq, tibb elmləri doktoru, professor Aleksandr Seryakov “qlükozanın orqanizmdə bədxassəli şişlərin inkişafına necə təsir etdiyindən danışıb.


“Qlükozanın (karbohidratların) insan orqanizmində hər hansı hüceyrələrin böyüməsi üçün lazım olan əsas enerji mənbəyi olması yüz ildən artıqdır ki, məlumdur.

Ancaq yadda saxlamalıyıq ki, xərçəng xəstəsi tərkibində artıq şəkər olan hər hansı qidadan, un məmulatlarından imtina etsə belə, bədən qlükoza əldə etməyin yolunu tapacaq, məsələn, onu tərəvəzlərdən, giləmeyvələrdən, meyvələrdən də alacaq.

Bundan əlavə, bədən qlükozanı "qeyri-karbohidrat" mənbələrdən amin turşuları və yağlardan alır.

Eyni şey orqanların işi ilə də baş verir - bəziləri daha az intensiv işləməyə başlayan kimi, digərləri bu "boşluğu" doldurmağa çalışır. Buna görə də, qaraciyər və böyrəklərin işinin artması (qlükoneogenez) səbəbindən bədən hələ də qlükoza alacaq.

Amma bu o demək deyil ki, xərçəngdən müalicə olunan xəstə hər şey yeyə bilər. Xeyr, vurğulayım: şüa terapiyasına hazırlaşan, dərman müalicəsi kursları keçən və ya bu yaxınlarda şişi çıxarmaq üçün əməliyyat keçirmiş xəstələrin qida rasionu balanslaşdırılmış olmalıdır- minimum fast food, yüksək kalorili qidalar, spirtsiz.

Artıq kalorilər müşayiət olunan xəstəliklərin (şəkərli diabet, ürək-damar xəstəlikləri) inkişafına səbəb olur.

Xərçəng xəstələri üçün bəzi qidalanma tövsiyələri:

Qırmızı əti, işlənmiş qırmızı ət məhsullarını (kolbasa, frankfurt) pəhrizdən çıxarın, qızardılmış, ədviyyatlı, duzlu qidaları mümkün qədər xaric edin.

Pəhrizinizə daxil edin:
tərəvəzlər, meyvələr, giləmeyv
ə (hamısı liflə zəngindir),
dənli bitkilər (sıyıq),
ağ ət (hinduşka, toyuq) qaynadılmış,
yağsız dəniz balığı (Omega-3 və proteinlə zəngindir).

Orta dərəcədə şirniyyat və un məmulatları yeyə bilərsiniz: konfet və ya çörək yemək istəyirsən, tamam. Ancaq heç bir halda onlarla konfet və çörək yeməyin”.