Yayın istilərinin təsirini artırdığı bu günlərdə çoxları soyuq duşlarda çarəni tapır. Mütəxəssislər xəbərdarlıq edirlər ki, isti havalarda qəbul edilən soyuq duşlar orqanizmdə ciddi disbalans yarada bilər.

Medicina.az xəbər verir ki, bədən istiliyinin qəfil azalması ürək ritmindən qan dövranına qədər bir çox sistemə mənfi təsir göstərə bilər.

Bədənin ani temperatur dəyişikliklərinə reaksiyaları xüsusilə xroniki xəstəlikləri olan şəxslərdə ciddi nəticələrə səbəb olar. Ürək xəstəliyi, qan təzyiqi problemi və ya diabeti olanlar xüsusilə soyuq duşlardan çəkinməlidirlər.

Birdən sərinləmək istəyi ilə qəbul edilən buz kimi soyuq duşlar bədənin daxili temperaturunda ani enişlərə səbəb olaraq orqanlarda şoka bənzər reaksiyalara səbəb ola bilər. Bu, başgicəllənmə, ürəkbulanma, huşunu itirmə ilə nəticələnə bilər.

Soyumaq istəyənlər üçün ən yaxşı üsul ilıq su ilə duş qəbul etməkdir. Bu sayədə bədən istiliyi idarəli şəkildə balanslaşdırılır və ani şok riskləri aradan qaldırılır. İlıq duşların dəri sağlamlığı üçün daha faydalı olduğu da bildirilir.

Termal tarazlığı saxlamaqda çətinlik çəkən yaş qrupları üçün soyuq duşlar daha da təhlükəli olur. Uşaqlar və yaşlı insanlar soyuq duşdan sonra titrəmə, qızdırma və ya aşağı qan təzyiqi hiss edə bilərlər