Azərbaycan mətbəxində badam, qoz, fındıq və digər çərəzlərə çox yer verilir. Çay süfrələrimizi bu nemətlərsiz təsəvvür etmək belə mümkün deyil və yalnız kulinariya mədəniyyəti deyil eyni zamanda çərəz dediyimiz nemətlərin şəfaverici xüsusiyyətləri də var. Məsələn: badam 30%-ə qədər zülallarla , 35-67% yağlarla , B, E vitamini, marqans, maqnezium, fosfor və s.mikroelementlərlə zəngindir, lipid mübadiləsinə təsir edərək ziyanlı xolesterinin miqdarını aşağı salır.İmmuniteti artırır, antioksidant təsirə malikdir. Kosmetoloji vasitələrin istehsalında geniş istifadə edilir. Qozun müalicəvi xüsusiyyətləri Herodot, İbnsina, Hippokrat dövründən məlumdur. Sidikqovucu, ödqovucu, iltihab əleyhinə, bakterisid, yaddaşmöhkəmləndirici, iştahaçıcı, yodçatışmazlığına, damargenəldici təsirə malikdir. A, B qrup, C, PP, K, E vitaminləri ilə, müxtəlif mikroelementlərlə və s. birləşmələrlə zəngindir.
Məlumatı hazırladı: F. Rüstəmova