Piylənmə bədən çəkisinin piy toxuması hesabına artmasıdır ki, latınca obesitas adlanır. İndiki zamanda piylənməyə xroniki mübadilə xəstəliyi kimi baxılır. Piylənmə istənilən yaş dövründə ola bilər və qəbul edilən kalori ilə sərf edilən enerji arasında olan disbalansa görə baş verir. Yəni hərəkətsiz həyat tərzi. Çox da olmayan səbəblər içərisində genetik faktor, hormonal pozğunluq, stress, psixotrop dərmanlar və s. ola bilir. Piylənmənin fəsadları-metabolik sindrom, qastroezofaqial reflüks xəstəliyi, 2-ci tip şəkərli diabet, ürəyin işemik xəstəliyi, miokard infarktı, insult, arterial hipertenziya, xroniki venoz çatmamazlıq, xolesistit, öd daşı xəstəliyi, artrir, osteoartrozs, fəqərə sütunu yırtıqları, yumurtalıqların polikistozu sindromu, onkoloji xəstəliklər, pankreatit, qara ciyərin piy distrafiyası, həddən artıq piylənmədə isə alveolyar hipoventilyasiyaya gətirib çıxara bilər. Piylənməninn hansı səviyyədə olmasını bilmək üçün bədən kütləsinin boya nisbətini bilmək lazımdır. Bədən kütləsi indeksi bədən çəkisinin boyun kvadratına olan nisbətinə bərabərdir. (kq:m2)BKİ-si 25 və 25-dən artıq olarsa artıq çəki, 30 və 30-dan artıq olarsa piylənmə hesab edilir.

Firəngiz Rüstəmova