Kariesli dişlər, damağın iltihabi xəstəlikləri yalnız yerli olaraq diş əti qanaması, xoşagəlməz iy, yaxın orqanlar olan boğaz, burun, qulaq, regionar limfa vəzlərinə ağırlaşma vermir. Eyni zamanda ən ağır xəstəlik olan böyrək çatışmazlığı, revmatik xəstəlik olan oynaq ağrıları, streptokokk infeksiyası nəticəsində ürək qüsurları, ürəyin daxili qişasının iltihabı olan endokardit kimi ağır fəsadlara səbəb olur. Hansı ki, onun müalicəsinə uzun illər və kifayət qədər maddiyət tələb olunur eyni zamanda sağalması da çox vaxt mümkün olmur. Dişləri ağız boşluğunda sadəcə mövcud olan bərk bir konstruksiya kimi qəbul etmək olmaz. Diş orqanizmin diğər toxuma və sistemləri ilə sıx bağlı olan canlı orqandır. Hər hansı bir xəstəliyi zamanı onun müalicəsi, lazım gələrsə müxtəlif materialdan olan dişlərlə əvəzlənməsi mümkündür və asandır nəin ki, diğər orqanlara verdiyi ağırlaşmalar.