Amerikada 20 000 tibb müəssisəsində 21- 99 yaş arası olan 3.5 milyon qadın və kişi üzərində araşdırma aparılıb. Bu insanlar fizikal müayinələrdən, şüa diaqnostikası və müxtəlif aparatlarda yoxlamalardan keçiblər, həyat anamnezləri, risk faktorları, arterial hipertoniya, piylənmə, xolesterin yüksəkliyi olması öyrənilib, alkoqol və siqaret kimi zərərli adətlər, diabet xəstəliyi olub olmaması araşdırılıb. Məlum olub ki, tək yaşayanlara nisbətən nigahda olanlar ürək damar xəstəliklərinə 5% daha az tutulurlar. Boşanmışlar isə periferik arteriyaların patalogiyasına, serebro vaskulyar patalogiyaya, koronar xəstəliklərə daha çox meyillidirlər. Kardiologiya şöbəsinin dosenti və bu tədqiqatın rəhbəri Cefri Berqer deyir ki, kardioloqlar öz pasiyentlərindən anamnez toplayarkən pasiyentin ailə statusunu da diqqətə almalıdırlar.
Məlumatı hazırladı F. Rüstəmova